Малхо Iенош шен зIаьнарш,
Дуьне самадаьккхина.
Бай тIехь девлла зезагаш.
Дитташ заза даьккхина.
Мукъме девлла олхазарш,
Лоькхуш зевне шайн эшарш.
Царех къаьста шоршалаш,
Мукъам хаза зарзараш.
Накхармозийн гIовгIано,
Пондар лоькхуш хетало.
Чохь сурт гучу хьостано,
Сирла шовда хьекъадо.
Го бIаьстенан хьесапаш,
Лаьттахь довлу зезагаш.
Ма аьхна ду, Iалам, хьо.
Ас хьан даим тIалам бо.
Б1аьстенан 1алам
© Copyright: Нурди Пашаев, 2011
Свидетельство о публикации №111110903074
Свидетельство о публикации №111110903074
Рецензии
