Б1аьсте

Нурди Пашаев
Iалам дендеш малх схьакхийти,
Генадоккхуш шийла Iа.
Берашна мел хазахийти,
БIаьсте кхечи вайна схьа.

Денош дахло, дохло латта,
Мохо, малхо хIоттий той.
Бераш уьду хьалхе яккха,
Хоьхкуш серех дина дой.

Диттийн генаш рогIехь хуьйцуш,
Кхоэ девлла олхазарш.
Керла еъна хьаша лоруш,
Даккхийдеш ду адамаш.

Дуьххьара шена бIаьсте гинчу,
Беран амат доьлуш го.
БIаьсте юьйжи беран даг чу,
Са мел чIогIа къерало!


© Copyright: Нурди Пашаев, 2011
Свидетельство о публикации №111110903039
Список читателей / Версия для печати / Разместить анонс / Заявить о нарушении
Другие произведения автора Нурди Пашаев
Рецензии
Написать рецензию
Жимачун, воккхачун дог хьостуш, 1алам дендеш, йог1учу б1аьстенан сурт шатайпа х1оттийна поэзин г1ирсашца.
Ларамца,

Асламбек Гайтукаев   30.05.2022 01:21   •   Заявить о нарушении
+ добавить замечания
Написать рецензию     Написать личное сообщение     Другие произведения автора Нурди Пашаев