Ас хьуна лур ду-кха диттийн кIайн генаш -
Баьццарчу зазанах доьттина дерш.
Иллица хестош вайн къоналлин хенаш,
Хьо йолчу вогIур ву, хьан хьурмат деш.
Лур бу ас бутт хьуна – пастанан цастар,
Седарчий – даточу гIабакхан хIуш.
Кхин хьеха ма делахь вай вовшех къастар,
Ма аьллахь вайша ду тIаьххьара гуш.
Ведана, 1977 шо, аьхке
Ас хьуна лур ду-кха диттийн кIайн генаш...
© Copyright: Ибрагим Юсупов, 2011
Свидетельство о публикации №111110809558
Свидетельство о публикации №111110809558
Рецензии