Вайшинна юккъехь ю сийналла хIордан,
Вайшинна иза мел йинехь а кIорда.
Вайшинна юккъехь ду ченийн кIайн некъаш,
Бецашлахь, гIамаршлахь лаьхьарчех текхаш.
Вайншинна юккъехь ду дарц жIаьлех леташ,
Мох а бу дуьненан охIла ша хеташ.
Вовшашна вай тIеттIа кхочу хан ларъеш,
Вайшинна юккъехь Iа безаман лараш.
Со царна тIехула вогIур ву цIехьа,
Хьомениг, хьо соьга сатуьйсуш Iехьа.
Победино, 1978 шеран декабрь
Вайшинна юккъехь ю сийналла хIордан...
© Copyright: Ибрагим Юсупов, 2011
Свидетельство о публикации №111110800941
Свидетельство о публикации №111110800941
Рецензии