Ломан тархах шовда леша.
Тача хуьлий, и чушерша,
БIешерашкахь ца луш бех.
Хьагвелларг цо герга воьху,
Цунна ялъяр шегахь лоьху.
Дог а Iабадо цо шех.
Дац-кха и, муж санна, мела.
Сирла ду и ангалел а,
Даим къона лаьтта и.
Ду и тхинийн, бецийн эла.
Ду къинхетаме цундела
Ламчохь кхиъна шийла хи.
Лаьа шовдано а санна,
Къамелаш дан тIулгашцанна,
Илли цIена латтош сайн.
Шовда санна, ховха, эсал,
Дерриг дика шен чу эццал,
Хуьлда сан дог-ойла кIайн…
Хоттане, 1977 шо
Ломан тархах шовда леша...
© Copyright: Ибрагим Юсупов, 2011
Свидетельство о публикации №111110801130
Свидетельство о публикации №111110801130
Рецензии