Баьллийн диттийн къона генаш
Муттах дуьзна, серла девлла.
Со кхин Iа-м ца вели генахь,
Схьа ца вогIуш дедайн эвла.
Iуьйре екхаш, баьллаш цIийло,
Малхехь сирла бIаьргаш боьллий.
Царна тIоьхла нIаьвла ийло,
Маршо кхайкхо аьтто болий.
Муха ла ас баьллийн цIелла
Лууш хилча сайна, маржа,
ЙоI, хьан балдийн чагIар мелла,
БIаьргийн Iинчу, вехна, варжа?
Баьллаш техка, махах ийна.
Къона ойла хьоьсту цара-м.
Со-м ву хIинццалц генахь Iийна –
Безам буй-те суна хьарам?
Дуй-те хьарам мерза гIенаш?
Дедайн эвлан бIаьрла амат?
Баьллаш, бехк ма билла, генахь
Со-м шух хьегна ва-й Iаламат.
Баьллийн диттийн къона генаш
Муттах дуьзна, серла девлла.
Сирла хуьлда сан Iуьйренаш
Баьллаш санна дедайн эвлахь.
Хоттане, 1977 шеран июнь
Со генахь Iа ца вели...
© Copyright: Ибрагим Юсупов, 2011
Свидетельство о публикации №111110700796
Свидетельство о публикации №111110700796
Рецензии