Цомгаш хуьлу дитташ гурахь,
Шийла чарп тIейогIий хоршин.
Ца латтарна шайна бухахь
Вайша, бIаьра хьоьжуш вовшийн.
Дитташ цомгаш хуьлу гурахь,
БIаьрса гIеллуш, лагIлуш хазар.
Хоттаничохь, ДаьргIахь, Гуьнахь –
Массанхьа ду диттийн лазар.
Хуьлу дитташ цомгаш гурахь,
Ла ца яллал мехийн Iиттарш.
Хьан сурт гича ирсан гурахь,
Толур ду Даймехкан дитташ.
Хоттане, 1974 шеран ноябрь
Цомгаш хуьлу дитташ гурахь...
© Copyright: Ибрагим Юсупов, 2011
Свидетельство о публикации №111110701171
Свидетельство о публикации №111110701171
Рецензии