Корталица хьайн букъ тIе дIавоьхкий,
Нана, ахь со лелавора гехь.
Нана, и сан дечган ага техкош,
Соь наб яйта, наб ца йора ахь.
Хьо-м таханаъ юьжуш яц хьайн хенахь,
Сагатдо ахь. Йо ахь ойланаш.
Реза яц хьо хиларна со генахь,
Хьело бохуш новкъахь кехаташ.
Суьйре еъча, цу вайн корах цIийнан
Детташ хьочо шен баьццара га,
ТIам кагбелла хьоза санна, тийна,
Соне хоий, хьо гIайгIане Iа…
Хьан цIаро бен ца бохби сан когаш,
Нана, ахь латий сан дагчохь цIе.
Ас сайн хIара салтичун погонаш
Хьоь наб яйта тегна белшаш тIе.
Победино 1978 шеран август
Нене
© Copyright: Ибрагим Юсупов, 2011
Свидетельство о публикации №111110609910
Свидетельство о публикации №111110609910
Рецензии
Дика мог1анаш йаздина Ибрах1има ненах лаьцна!
Асламбек Гайтукаев 07.09.2022 17:02 • Заявить о нарушении
Асламбек Гайтукаев 07.09.2022 17:02 • Заявить о нарушении