Боллан диттан лайно къеждо генаш,
Даг тIе туьйсуш йовхо йоцу гIенаш.
Генийн кийрахь бIаьста идда мутта,
Моьттур дац хьо лекъна хир ду гуттар!
Лаьтта бухахь боллан къона орам
Меттах ца хьов, хилча санна хорам.
БIаьста малхе кхийдаш хилла бохь а
ХIинца гIийла кхозу лаьтта охьа.
Йицйи-те ахь, балл, хьайн къона зама,
Хала ду хьуна шело эшон Iама?
Лаац хила хьо дорцана къера,
Цуьнца къийсам латтабе, ма кхера!
Гулдай дерриг хьайгахь хилла гIора,
Лаьттах йовхо ийзош, денбе орам.
Хиларх хIун ду хьо цкъачунна къоьжа:
Маьлхан бIаьрг хьоь дегайовхонца хьоьжу –
Кийча хила дегI хьайн малхе даккха!
Кийча хила бIаьста зазадаккха!
Хоттане, 1978 шеран апрель
Боллан дитте
© Copyright: Ибрагим Юсупов, 2011
Свидетельство о публикации №111110609714
Свидетельство о публикации №111110609714
Рецензии