Миска пекъар, хьох къахета суна.
Тишделла хьо, байна хьан кIайн бос.
Вовшашна хьо кхуьйсуш, горгдеш буйнахь,
Ловзуш ца го арахь берийн цIоз.
Ца до цара, хьалха санна, тергал,
Ца къерало церан хьоьца са.
Йовха бIаьсте схьа мел гIоьрти герга,
ГIеллуш, ахьа-м халла доьIу са.
Урамновкъахь, тхов тIехь ду хьо-м кхачош,
Малхо, махо етта хьуна це.
Ай ма-ллу шайн хоттах юьзна мачаш
ЦIанйо наха, хьоькхуш хьуна тIе.
Миска ло сан, хьох къахета суна.
Макхделла хьо, дайна хьан кIайн нур.
Зезагашла боьгIна хилла хьуна
БIаьстено шен гуьнахь боцу гур.
ДаьргIа, 1975 шеран март
Къена луо
© Copyright: Ибрагим Юсупов, 2011
Свидетельство о публикации №111110610739
Свидетельство о публикации №111110610739
Рецензии