Меттамотт биллина, меттан мотт Iамийна,
Iожаллин амало билгало кховдийча,
Сайн цIарах вуон-дика жамIате гулдина –
Цхьа лаам бара сан… кхочушбан йиш хилча.
Сайн вонийн йозалла белша тIе йиллина,
Дикано белла ницкъ хьорзамх хуьйдина,
Сан гIатта ойла ю кIайн кисин меттара —
Дуьсучу дуьненах бIаьрг буза тIаьххьара...
ГIатталахь, гIаьттина гIоттучу малхаца,
Бераллин некъашца эвлайисте вера ву.
Оьмаро хьаькхна сиз къаьстачу гу тIера,
Гилгаме жилIалам бIаьрсица хьостур ду.
Вахалахь, умматан кешнашка вахана...
Хьомсара хиллачийн баьрзнаш тIе хIоьттина:
Дуьненна къинтIера со вала хьожур ву,
И сайна къинтIера со даккха хьожур ву...
Меттамотт биллина на чеченском
© Copyright: Ибрагимов Лёма, 2011
Свидетельство о публикации №111100709016
Свидетельство о публикации №111100709016
Рецензии