Чаравилин пар вугана,
Гьиниз фена вун, яр туна?
Багьнадилай багьна кьуна,
Хкведачни вун зи патав?
Са гафунив за рикI хана?
Вучиз, лагь заз, бес икI хьана?
Тек кIвале мад гъарикI хьана,
Хкведачни вун зи патав?
Чуьнуьхармир, ахъая сир,
И азабрин мус жед эхир?
Кутаз мад зак синих-тахсир,
Хкведачни вун зи патав?
Акур ксар къвезва чIалал,
Вегьей парар на зи кулал.
Азиятар ийиз гьалал,
Хкведачни вун зи патав?
Ша, ийимир зи югъ чIулав,
Мекьи я заз ифей къулав,
Къизгъи ийиз чанда ялав,
Хкведачни вун зи патав?
Хкведачни вун зи патав?
© Copyright: Билал Адилов, 2011
Свидетельство о публикации №111092004844
Свидетельство о публикации №111092004844
Рецензии