ХъуьтIуьн юкъуз хтанва зун СтIуриз,
Муркар, живер, маргъал гъилив атIана.
Килигда, за байихар гьа юзуриз,
Хайи чилиз, тухдал ара датIана.
Пилте-пилте жив къвазава къаварал,
Лацу хьанва кьуд пад, сувун кукIвар хьиз.
Ахквазамач гьич циферни цаварал.
АкI жезва къе, гьахьнава зун ахвариз.
Алатна ван, къецел ала аялар,
Гьикьван чIав тир, живедин рехъ гуьзетиз,
Къулан патав яргъал физва хиялар,
Секин тежез, гьа захъ галаз гьуьжетиз.
Вегьирдавай ялавдал за кIарасар,
Нав гьатзава кIвалин къайи цлара,
Амма заз чим амач лугьуз миресар,
Акъатзамач сакIани и патара.
Ацукьна руг, чарар гала зи вилик.
Гьар са цIарцIе кIанивилин гел авай...
Хъим кьунавай варар гала зи вилик,
Яргъал хьайи сагьибдикай хъел авай.
ЭкъечIда зун хуьрун кимел нянихъ,
Живед винел яваш-яваш гелер таз,
Галукьдай а ихтилатри япарихъ
Гъам алудна, чим гъидатIа яраб заз?..
Хайи хуьре...
© Copyright: Билал Адилов, 2011
Свидетельство о публикации №111081908564
Свидетельство о публикации №111081908564
Рецензии
Стихотворение о любви к малой родине......Замечательно, что вы так любите свой край!Успехов!
Честный Почитатель 17.01.2012 01:08 • Заявить о нарушении
Честный Почитатель 17.01.2012 01:08 • Заявить о нарушении
