- Глындало, глындало, роспхэн-ка чячес
Ту, состыр ушта мрэ лолэ?
- Са пал адава, со ратенца дыкхэс
Ту сунэ греховна гудлэ.
- Глындало, глындало, сукрето ракир
Ту, состыр лолэ мрэ ушта?
- Со лэн дандырэса, коли ту кирки
Ясвин на мэкэс тэ прастал.
- Глындало, глындало, откэр, на гарав
Ту, состыр ушта мрэ лолэ?
- Со сыр о бравинто, пхэн, чякиро рат
Ту пьес, соб э дукх тэ улэс.
- Глындало, глындало, коли ж роспхэнэс
Ту, состыр лолэ мрэ ушта?
- Помада макхян, соб тэ на сыкавэс
Ту, состыр лолэ трэ ушта.
17 августа 2011
перевода ещё нет
Глындало
© Copyright: Лилит Мазикина, 2011
Свидетельство о публикации №111081801499
Свидетельство о публикации №111081801499
Рецензии