Сухан тIал хьиз суза ава зи чанда
ЖакIумрин къен руцIугулди эгъвезва.
АватIани са гуьлуьшан маканда,
Сефил я зун, вилер тек вахъ экъвезва.
Ахъатнава чIурариз цуьк - хъуьрезва,
Гатфарин ни алатнава суварал…
Амма руьгьда са ялгъузвал къекъвезва,
Йеб арушиз, ахъа жезвай луварал.
Ракъин нурар гьатай чIавуз зи чина,
АкI жезва заз, вун зи патав атай хьиз,
Эхь, тек вакай я хиялар къе ина,
ХьайитIани рикI хенжелди атIай хьиз…
Тек вакай...
© Copyright: Билал Адилов, 2011
Свидетельство о публикации №111081600815
Свидетельство о публикации №111081600815
Рецензии