Куды паляцелі буслы
Чаму буслы ў гэтыя мясціны
Больш не лятаюць, згінулі зусім?
Бо надышлі жахлівыя часіны –
Чарнобыль вінаваты ва ўсім.
Была тут вёска, прыгажосцю ззяла,
Быў пах чаромхі, бэзу і акацыі,
А зараз гэта недзе ўсе прапала:
Тут – зона, дзе лютуе радыяцыя.
А людзі свае хаты пакідалі,
Бо вымушаны ехаць на чужбіну,
Буслы ў адзіноце паляталі
Вясну і лета, потым недзе згінулі.
Тут хаты знесеныя, вёскі больш няма,
І не лятаюць птушачкі з-за мора,
Тут нібы ўлетку лютая зіма –
Гуляе вецер, ды разносіць гора.
тема Чернобыля
© Copyright: Васюченко Мария, 2011
Свидетельство о публикации №111081604640
Свидетельство о публикации №111081604640
Рецензии