Ша патав зи...
Лагьанай за, вердишармир зун жувал,
КичIе я заз, четин жеда къакъатиз.
Магнитди хьиз чIугна –лугьун авайвал,
КIанзавачир, амма заз, гьич агатиз.
Тухвана ви ихтилатри яргъариз,
Акъудна зун чин тийидай алемдиз.
ЧIанавилер элкъуьрна шад йикъариз,
Илгьам гъана, къуват гана къелемдиз.
Акьурла вил вилера ви, кана зун,
Гьатай ялав акъатзамач зи чандай.
Иервилив, мили ванцив хана зун,
Хьана закай Керем тек са вун кIандай!
Якъин, геж я - вердиш хьанва зун вал гьикI,
Белки, им я ашкъидин чIав атанвай?
Агата зав, ша акъудмир вуна рикI,
Хабар тушиз, кIанивилив ацIанвай...
2011
© Copyright: Билал Адилов, 2011
Свидетельство о публикации №111081400656
Свидетельство о публикации №111081400656
Рецензии
Шиир заз пара бегелмиш хьана...хъсан гафар я...Чан Сагърай...
Камалдин Ильясов Кашкентви 07.11.2013 22:17 • Заявить о нарушении
Камалдин Ильясов Кашкентви 07.11.2013 22:17 • Заявить о нарушении