ВОЖЫК
— Вожык-вожычак! Навошта
Столькі голачак табе?
— Калі б не было іголак —
Быў бы, брат, зусім я голы:
Мяне драпкала б і кошка,
Растаптаў бы і мядзьведзь,
І яшчэ сястра-лісіца
Захацела б пажывіцца,
А калматы б воўк сівы
На абед мяне злавіў.
Не бывае гэтак толькі –
Берагуць мяне іголкі.
Абламала кошка драпкі,
Абкалоў мядзьведзік лапкі,
А сястра-хітрыца ліска
Нарабіла енку-піску,
А калматы воўк сівы,
На ўвесь лес ажно завыў —
Вось і ты, які ўжо смелы —
А не возьмеш ручкай белай.
Вожык
© Copyright: Анатоль Кудласевич, 2011
Свидетельство о публикации №111040803162
Свидетельство о публикации №111040803162
Рецензии