Радзімы знак — Не проста так:
Усе мы Небам мечаны,
Ці ты паэт, Ці ты мастак —
Нясі сваю адмеціну.
Сем зорак Вялікай Мядзьведзіцы
У сына майго на спіне.
І што ў гэтым знаку ўгледзіцца,
Калі заўтра быць вайне?
Калі нарадзіўся ў верасні
Семнадцатага чысла,
Быў год… Не скажу цяперашнім
Халуйскім лакеям зла!
А так нагадаю: помніце!
Чакае расплата вас,
І ўспомніцца ўсё, адпомсціцца
У Сынавы зорны час.
Ён выйдзе па Шляху Млечнаму,
Стажары за ім, як раць —
І словам агністым, мечавым,
Прад воблікам сівай вечнасці
За Мову пачне караць.
Бо слова вам — не проста так
Гасподнім Духам чыніцца.
Ці ты паэт, Ці ты мастак —
Памры! Ды будзь з Айчынаю!
Радзiмк сына Веранiкi
© Copyright: Стихи На Заказ Кудласевич, 2011
Свидетельство о публикации №111040703617
Свидетельство о публикации №111040703617
Рецензии
