Ма хоза хьеж шо, ва сигалбlаргаш,
Шо мо зизаш, дунен тlа кхы дац.
Баьцашта юкъе, шун сийна бlаргаш,
Шун хозале сона йицлургйац.
Тушолий бетта, зlамига бераш,
Ведолге тlа дагlа шо ловздеш михо.
Седкъаша санна баьца тlа лараш,
Малх арабоаллашше, леха аз шо.
Сигаленга хьежаш, дагlа шо сатийна.
Йоачан а догlа а новкъа хулац цкъа.
Дахкалергаш, шуна аре сийна,
Таралесташ отта шийлача седкъа.
Гlермане, 05. Тушоле 2011 шу
Сигалбlаргаш
© Copyright: Микаил Сапралиев, 2011
Свидетельство о публикации №111031405645
Свидетельство о публикации №111031405645
Рецензии