Са берий гlалкарт, хьа бlаргаш хувцаденнад,
Ма баьдйирзай со лийна уврамаш.
Ва Наьсаре, куц-сибат ма хийрадаьннад,
Миста чlугал элла йагlа хьа боргlалаш.
Хьанца ловзадаьннад сох хийрадаьнна шераш,
Селлара къиза хlана лув дегl кхийна соца.
Ма ийрчадаьннад хьоца хьалкхийна бераш,
Се ханахьа lадика йийцар аз а хьоца.
Ма безам боацаш лел со уврам тlа гlолла,
Тишденна латт хьа цlенош, наькъалгаш.
Хьа майдан тlа гlеттабеннаб нохчий полла,
Са бlаргашка тац хьа гоамайенна такалгаш.
Са берий гlалкарт, аз хьулайаьй из уйла,
Хlаьта бакъдар аьлча, магац баге те.
Тув диканга са, маьрша йолаш кхуйла,
Сердало хьай къонача дега ле.
Гlермане, 14. Муттхьала бетта 2011 шу
Хьай сердало ле
© Copyright: Микаил Сапралиев, 2011
Свидетельство о публикации №111031400301
Свидетельство о публикации №111031400301
Рецензии