lан юкъе, шийлача lан юкъе,
Са гуйра хьармакхаш лергда.
Со тешац, магац сона сакхе
Са гуйра юхь камаьрша я.
lан юкъе терс, безаман зама.
Са гуйра гаьнаш гlорья латт.
Эшац сона хьогара хlама.
Гуйрах ваьнн, вола со лаьтта.
Доа ма де вахар, гуйра вахар.
Хьай шодамаш дорхлуш ма етт.
Нийса рузкъа дий-те аз лахар.
Сел lадикаш хьалххе ма хетт.
Шийлача lан, шийлача юкъе,
Са гуйра хьармакхаш лергда.
Со тешац, магац сона сакхе
Гуйре — хьо дега хьаьша я.
Гlермане, 26 Саькура бетта 2011 шу
Гуйре безаман хьаьша
© Copyright: Микаил Сапралиев, 2011
Свидетельство о публикации №111031400289
Свидетельство о публикации №111031400289
Рецензии