Хьа тамашийна гlа, хьа готта дуне,
Со наькъахо мара хиннавац.
Ма хьеж хьо сел дорха согахьа буне,
Хьона турпалхой бовзаргбац.
Йа чоалхане бийса, да беркатданз ди,
Хьа ворхlий да, каш улла тийна.
Вампалаш къиза ховшадаь ги.
Гlетта лела бурдолгаш сийна.
Вахар са дац, со алха хьаьша ва.
Фу ду аз, къийсача лаьтташ.
Фуннагlа дувце а, нах зовза ба.
Гушше, кхералу, цlеста lатташ.
Хьа темза Тийрк. lодода хий.
Хетало делх, лоаман бlаргаш.
Хlанз лелайиц даьй дарза кий,
Цхьацца каглуш довш латта саьргаш.
Гlермане, 22. Нажгамсхой бутт 2011 шу
Тамашийна наькъахо
© Copyright: Микаил Сапралиев, 2011
Свидетельство о публикации №111030706644
Свидетельство о публикации №111030706644
Рецензии