Штар гожа чяя кхэлэн
Упрал меро кхэр,
Багана, сыр чириклэ,
А чён лэн дыкхэл.
Парнэ роспхурдэнпэ бая,
Тырдэнпэ гиля.
Кхэлэна штар гожа чяя —
Тэрнэ балваля.
Пэрво балвал — хачькирды,
Шуки и калы,
Лакири мэн пхутькирды,
Якх ратвалы.
Дуйто балвал — шылалы,
Учи и парны,
Санинько сыр момолы,
Дыкхэл сыр раны.
Трито балвал — чоханы,
Якха сыр яга,
Дико и наракхуны,
Хачёл сыр багал.
Штарто — нанэ чибалы,
Васта сыр пхака,
Лакири глос насвалы,
Лилейно чекат.
Штар гожа чяя кхэлэн
Упрал меро кхэр,
Багана, сыр чириклэ,
А чён лэн дыкхэл.
Парнэ роспхурдэнпэ бая,
Тырдэнпэ гиля.
Кхэлэна штар гожа чяя —
Тэрнэ балваля.
русской версии ещё нет
Штар чяя
© Copyright: Лилит Мазикина, 2011
Свидетельство о публикации №111030110845
Свидетельство о публикации №111030110845
Рецензии