Хьхьируннал кюртти байсса
Муруллийн ттирик1 рирщун,
Къур-Заннуйн дуруглагисса
К1увурдал шяравалуй!
Кьат1атусса ч1урдардил
Оьвт1ий к1унк1у хьун увну,
Виятува арх увцсса,
Итикьай на зана хъун.
Чанащал чант1 учайсса
Мак1ру марц1сса ттул жямат,
Хьхьу-кьини х1ала дурхсса
Итикьай на зана хьун.
Шярава уккай ххуллул
Ялавай бурувгаву!
Шярав зана шай ххуллул
Бюхттулнийн бурувгаву!
Яруннан чани буч1ай
Ттула буттал шяраву,
Вич1ан ч1у баллали шай
Ттула буттал шяраву,
Дак1 паракьат хьун дувай
Ттула буттал шяраву,
Оьрмулул мяъна дурч1ай
Ттула буттал шяраву.
На лакском языке. Буттал шяравалу
© Copyright: Бутта Буттаев, 2011
Свидетельство о публикации №111020609272
Свидетельство о публикации №111020609272
Рецензии