Shahar jimjit edi...

***   
Шаhар жимжит эди, ўлик сукунат,
Гўё кўчаларда qўйганди танда;
Зулматларни йиртиб hайqирдим нолон,
Мен ёруg' дунёни унутган банда.

Атрофда hеч ким йўq , дирдираган шом,
Бундан кетгим келар йироq-йироqлар;
Мени меhмон qилмас, мени чорламас,
Qаватли уйларда ёнган чироqлар.

Тунги кўчаларда дайдиган руhдек,
Олис кучаларда жимгина кездим;
Дунё, мен hаётдан топмадим мазмун,
Дунё, мен яшашдан жуда hам бездим.

Аллаqаёqларга кўтариб кетди,
Шамоллар хазонлар рутубатини
Ахир ким кўтаргай ва ким тинглагай,
Менинг юрагимнинг уqубатини?!

Узоqларда ёниб ўчган оловдек,
Милтиллаб-милтиллаб сўнаяпман мен;
Исёнкор даhойим топмасдан камол,
Таqдирнинг hукмига кўнаяпман мен!

Hолбуки, бир пайтлар, тунлар самода,
Юлдузлар ёqарди миллион машъала;
Букун атрофимда суррайган осмон,
Букун атрофимда qоронg'у дала.

Ва жимжитлик аро ўлик сукунат,
Кўчаларда буткул qўйгандек танда;
Qоронg'у дунёда hайqиргим келмас,
Мен ёруg' дунёни унутган банда...
2009