Rajdanto flugas tra kampara vasto.
La bridrimenon forte tenas man’.
cheval’ obee servas al la mastro,
samkiel ship’ al sperta kapitan’.
Tre longas voj’ tra herbomaro stepa
kaj ne senriska estas la vojagh’,
sed dum impulsas koro forostreba,
rapidu, hej rajdanto, kun kuragh’.
Sur selo sidas la bravulo juna,
impetas li al sia amatin’.
Pro suno jam vizagho ighas bruna,
sed tio, eble, plie ravos shin.
Jubile flugas li kun kanto vigla,
inspiras lin rapido de la flug’,
kaj flirtas flage en la vento tikla
sur lia kolo hele rugha tuk’.
De sia celo knabo ne devios.
En sel’ solide tenas lin l’ obstin’,
char lin voj-fine pro fidel’ premios
per kiso dolcha charma amatin’.
Gafur Gazizi - Rajdanto
© Copyright: Гафур Газизи, 2011
Свидетельство о публикации №111011509136
Свидетельство о публикации №111011509136
Рецензии