Ах, жаз башы!..
Тутуп тыйдыртмай,
Келесе, жур келген кибик.
Келесе, акъ болуп сыртынг да,
Кесинг да кёк дарий кийип,
Ташха да жыр берген кибик.
Алай келесе, жаз башы -
Бошлап атны да жюгенин,
Жангы сёзню уа жазмасанг,
Тынчлыкъ тапмазча жюрегинг,
Эркин чапмазча жюйрюгюнг.
Алай келесе - кюн бла
Шорха бура, ойнай-кюле, -
Игиликге ёкюл бола,
Ышаргъанынг да гюл бола,
Чыгъаса хар жангы кюннге.
Келесе, жаз башы, сюйген
Жюреклеге урлукъ атып,
Шо ючжыллыкъ жашчыкъ юйге
Босагъадан чабып кирген
Кибик -
сюйюнчюлюк айтып!
Ах, жаз башы!.. Абдуллах Бегиев
© Copyright: Роза Агоева, 2010
Свидетельство о публикации №110122008922
Свидетельство о публикации №110122008922
Рецензии