Къеста вай, марзо а эцале къеста,
Аренца акхтаргаш вайн къина лесташ…
Дог доьлху, дог 1ийжа вай къаьсташ, амма,
Йиш ма яц гуттар а ваха вайх цхьаннан.
Къеста вай, г1ан хуьлий вай диъна дахар,
Хенаша кагбича кхолламан маха.
Лаьттара д1адоьду х1ор а адам,
Г1айг1ано дегнашкахь буьтуш шех хьагам.
Къеста вайх да-нана, йиш-ваша къеста,
Шерашца байттаман г1айг1а а есташ.
Гина дац х1умма а адамал деза,
Дахаро 1ожаллин къурдаш деш хеза…
Къастале вай вовшех дага а девлла,
Дезара даггара къинт1ера довла.
Сийлаллехь къагале баьгна суй санна,
Къеста вай, къийсинарг ца кхочуш цхьанна…
28.06.2010
***
© Copyright: Асет Халикова, 2010
Свидетельство о публикации №110121505020
Свидетельство о публикации №110121505020
Рецензии