Къара денъизде кунь баткъанда,
Сары-къызыл нурлар сачкъанда,
Денъиз кие мавы антерни,
Эр ер чеке яваш кедерни.
Къумлар ята дагънынъ тюбюнде,
Къызыл кунеш сувнынъ устюнде,
Тёшей гузель алтын ёлуны,
Кокке берип сары къолуны.
Энди сийрек уча чагъала,
Тамам тынчлыкъ мында долана.
Ана-мына йылдыз чыкъаджакъ,
Толгъун ай семадан бакъаджакъ.
Табиат юкъугъа далгъанда,
Шаир элине къалем алгъанда,
Догъып башлай дюльбер сатырлар,
Джесюр олур анда батырлар.
Август 8, 2005 с.
Акъшам кунеш къонгъанда
© Copyright: Эльмара Мустафа, 2010
Свидетельство о публикации №110120409378
Свидетельство о публикации №110120409378
Рецензии