Даккхийра кIайн синош дохуш...

Даккхийра кIайн синош дохуш,
Дато дарц сан уьйтIахь хьийза.
Соьга ша чудита бохуш,
Да воцчу жIаьлех и цIийза.

Къоначу гIоранах тешаш,
Кхиссало лайн чимийн цинцаш.
Можачу малхана тийжаш,
Дорцан син йишхаьлла хIинца.

Балахьа, дашо малх, орцах,
Яржаеш хьайн зIаьнарш тайна.
Моьтту-кха чекх хьаьжча дорцах,
БIаьстенан заза го сайна…

Хоттане, 1978 шеран январь


Рецензии