Iомо седарчийн ага техкадо,
Махо Iеханийн кохкарш хедадеш.
Батто стигалахь нека чехка до,
Дато нуьрца шен бода меда беш.
Хан дIайоьду ша яьлла Iодара,
Новкъа йоху и шерийн секхаша.
Буьйса йоьссина кху сан кIотара,
Лела IиндагIаш - уьдуш, текхаш а…
Ахьа-м ойланехь васт сан къехкадо,
Луьста доцу хьайн бIаьрхиш ледадеш…
Iомо седарчийн ага техкадо,
Махо Iеханийн кохкарш хедадеш…
Победино, 1979 шеран аьхке
Iомо седарчийн ага техкадо...
© Copyright: Ибрагим Юсупов, 2010
Свидетельство о публикации №110110205417
Свидетельство о публикации №110110205417
Рецензии