Бузуш сан уьйрашлахь шайн хьогIан маша,
Ма дукха-ъ хилла шу – са кIеззиг дерш.
Ма къен а дар-кха со шух цуьрриг ваша,
Шу гIерташ со малван - шайн хирриг деш.
Бахбеш сан букътехьа питанийн Iеха,
Аш туьйсу кхерамаш, сан ницкъаш зуьйш.
Бакъонца, Нийсонца дуьстича, уьш
Цхьанна а ца хета чемхалган меха.
Ас йоккху сирлачу сайн дагна гена
Доьналлин мох бетташ, шун синойн къахь.
Ас денна цоьстуш ю шун ачо къена:
Сан тур ду – сан дайша ларйина Яхь…
Соьлжа-ГIала, 1981 шеран февраль
Бузуш сан уьйрашлахь шайн хьогIан маша...
© Copyright: Ибрагим Юсупов, 2010
Свидетельство о публикации №110110205340
Свидетельство о публикации №110110205340
Рецензии