Баркалла со нохчо кхолларна, Дела!
Сица а, цIийца а нохчо ву со.
Сан деден бIов ю сан дозаллин эла,
Эхь-бехк а, гIиллакх а цо суна ло.
Синметтехь Iалашбеш къоман тIеIаткъам,
ТIанк аьлла нохчоллех вуьзна со ву.
Хало тIехIоьттича, ца бо ас латкъам:
Собар - сан толаман меттамотт бу.
Баркалла, со нохчо кхолларна, Дела!
Ахь дIа ца дайтарна нохчоллин доь.
Лаьттина, лаьттар ю, лаьтта цундела
Маршонан гIап хилла сан Нохчийчоь!
Хоттане, 1981 шеран февраль
Баркалла со нохчо кхолларна, Дела...
© Copyright: Ибрагим Юсупов, 2010
Свидетельство о публикации №110110108756
Свидетельство о публикации №110110108756
Рецензии