Тахна ГIезалойн хидоькъехь мох ца ловзу кхин.
Хета лайлахь дато йолуш санна Сахалин.
Цуьнан юьхь тIехь маж хетало «тайга» олу хьун.
Сан сингаттам жимма байбан хир ду кхузахь хIун?
Сан Нохчийчоь, хьуна вуно гена ваьлла со.
Со-м Советан Эскарера ву цхьа могIархо.
Салтийн чоа суна хета хьан стогаллин гIагI,
Дедайшкара соьга кхаьчна къонахаллин рагI.
ГIайре тхьаьвса, хи чохь даржош шен и деха дегI,
Курилашна хьалха чIогIа бIобулуш ю шех.
Кхузахь уьнтIепхьидах терра текхаш йоьду хан,
Уьйре бало гIерташ санна Тийна океан.
ИбрахIиман-гIайренхочун ма довр дац-кха доь,
Цхьа континент дийна мел ю - хьоме Нохчийчоь.
Смирных, 1980 шеран январь
Сахалин
© Copyright: Ибрагим Юсупов, 2010
Свидетельство о публикации №110110108738
Свидетельство о публикации №110110108738
Рецензии