Акъвазмир вун икьван бейкеф, кIаниди,
Рагъ алцифна, циф атанвай яйлах хьиз.
Къуй ван турай дагълара чи маниди,
Ашкъи галаз шадвал гъурай рикIериз.
Такурай заз мад биришар ви пеле -
Беневша хьиз, залум харци атIанвай,
КичIе я заз юзуникай чи кIеле,
Гарарилай, хабар квачиз, атанвай.
А гъaрикIвал акъатзавач вилерай,
Белки,ярди хъелнаватIа мад закай?
Аян тушни кIанивилин селлерай,
Хьанвайди заз мехъер сефил йикъакай?!
Акъвазмир бейкеф
© Copyright: Билал Адилов, 2010
Свидетельство о публикации №110092709314
Свидетельство о публикации №110092709314
Рецензии