Жыццё – імгненне: ўдых і выдых.
Ці мы пабачымся ізноў?
Ці зможам збавіцца ад крыўды
Дзеля пяшчоты паміж слоў?
І ці адчуем хваляванне
І перад згубай новай страх,
Калі схаванае каханне
Блісне маланкай у вачах?
Ці станем зноў душой адзінай,
Каб зноўку верыць, і любіць,
І ўсе астатнія гадзіны
У шчасці-радасці пражыць?
Жыццё – імгненне, подых лёсу.
Як на зямлі паспець за ім?
І як пасля пайсці ў нябёсы
Без шкадавання аб зямным?
2009
Жыццё - iмгненне...
© Copyright: Демьянова Татьяна Дмитриевна, 2010
Свидетельство о публикации №110062005358
Свидетельство о публикации №110062005358
Рецензии