Як адчайна рыдае гітара!
Я такога не чула ніколі!
Бы аплаквае ўсе мае мары:
Аб каханні, аб шчасці, аб долі.
Распачаўшы, самотна ўздыхае
І ўздымае журботную хвалю…
Не прылада - істота жывая,
Што заходзіцца ў плачы ад жалю…
Раздзірае мелодыяй сэрца…
Мурашамі, марозам - па скуры…
Вадападам узбуджаных тэрцый
Набалелае, горкае бурыць.
І спявае, і шэпча, і стогне…
І ў запале ўсё некуды кліча…
І туга адступае і глохне,
Захлынуўшыся срэбрам крынічным.
Калі гэтак гітара іграе -
Боль сваімі пакутамі глушыць.
Быццам свету ўсяму спагадае –
Спачуваннем вылечвае душы…
Узбуджае ў паніклых надзеі…
Удыхае ў знясіленых сілы…
Бы пажар, над зямлёй палымнее
І ўздымае ў нябёсы, бы крылы…
Як адчайна рыдае гiтара...
© Copyright: Демьянова Татьяна Дмитриевна, 2010
Свидетельство о публикации №110062000210
Свидетельство о публикации №110062000210
Рецензии
Калі ў назве верша літару "і" прапісаць не беларускім шрыфтам, а ангельскім (лацінская "і"), проста пераключыўшы раскладку клавіятуры, то яна адлюструецца на Вашай старонцы.
Дзякуй за вершы. Вельмі спадабаліся.
З павагай, Андрэй Ястрэмскі.
Андрей Ястремский 23.06.2010 00:46 • Заявить о нарушении
Дзякуй за вершы. Вельмі спадабаліся.
З павагай, Андрэй Ястрэмскі.
Андрей Ястремский 23.06.2010 00:46 • Заявить о нарушении
Дзякуй, Андрэй! І за Ваш водгук,і за Вашу параду! А то я ўжо вар'яцею ад гэтага няўспрымання беларускага шрыфту на "Стихи.ру".
Демьянова Татьяна Дмитриевна 24.06.2010 00:19 Заявить о нарушении
Демьянова Татьяна Дмитриевна 24.06.2010 00:19 Заявить о нарушении
На это произведение написаны 2 рецензии, здесь отображается последняя, остальные - в полном списке.