Я сен билесинъми, ана?
Нечюн меним гонълюм яна?
Нечюн танъда къушлар оте?
Ненен аджджы алдав бите?
Я сен билесинъми, ана?
Нечюн бу булутлар къача?
Нечюн тышта ягъмур агълай?
Нени кузь мевсими анълай?!
Нечюн сувукъ еллер эсе?
Несилимиз насыл осе?
Нечюн солгъан къызыл гуллер?
Нечюн сувсыз къалгъан голлер?
Бу шеэрде сёнген кунеш,
Бу яшайыш — залым куреш.
Бу адамда къара гонъюль,
Бу юректе ольген умют.
Шунынъ ичюн солгъан гуллер,
Язда сувсыз къалгъан голлер.
Шунынъ ичюн сувукъ еллер,
Чокътан бошап къалгъан чёллер.
Шунынъ ичюн куем, янам!
Эм де кедерленем, анам!
Шунынъ ичюн коклер агълай,
Шуны гъамлы ягъмур анълай.
Майыс, 2004 с.
Я сен билесинъми, ана?!
© Copyright: Эльмара Мустафа, 2010
Свидетельство о публикации №110051100484
Свидетельство о публикации №110051100484
Рецензии