Учып юрем анда-мында,
Кузьнинъ пуслу сабасында.
Мен — ель, мен — джоюлгъан гонъюль,
Мекян тапалмагъан омюр.
Меним яшайышым — учуш,
Эм дешетли, сонъсуз уруш.
Ельнен ёлдаш олып кетем,
Бунъа базан элем этем.
Агъыр кольге киби олдым,
Чечек киби бирден солдым.
Мен — ель, мен — джоюлгъан гонъюль,
Манасы олмагъан омюр.
Кече айлар, кече йыллар,
Ве ачыла эски сырлар.
Истей эдим гузель сызмакъ,
Аятымны ренкли япмакъ...
Шимди исе серт ель киби,
Бир ябанджы махлюкъ киби,
Учып юрем анда-мында,
Сувукъ ве бельгисиз ёлда.
Бельки де умютсиз юрип,
Бир кунь тапарым мен ярыкъ,
Кунеш къызгъын шавле сачар,
Ве кедерим янып къачар…
Майыс 21, 2006 с.
Мен - ель...
© Copyright: Эльмара Мустафа, 2010
Свидетельство о публикации №110051100452
Свидетельство о публикации №110051100452
Рецензии