("Бельбек" ансамбли иджра эткен йыр)
Сема яшлана, агълай,
Сема кедерни анълай.
Сема адамгъа ошай,
Заман бизлерни алдай.
Шенъ сувда ялан ялдай,
Бир кунь чыкъар онъа ай.
Сонъ ...
Багълама:
Агълама, агълама, достум,
Йыкъылсанъ, йыкъылсанъ да тур.
Агълама, агълама, достум,
Бахт не ерде олса да, тапар сени бир кунь.
Инсан бахтыны арай,
Оны Алладан сорай.
Инсан хаялнен яшай,
Такъдир бизлерни алдай.
Эм де кимерде талай,
Омюр оюнны башлай.
Тек ...
Багълама.
Апрель 4, 2008 с.
Агълама, достум!
© Copyright: Эльмара Мустафа, 2010
Свидетельство о публикации №110042909275
Свидетельство о публикации №110042909275
Рецензии