(Ленара Османова иджра эткен йыр)
Бир кунь санъа мен инандым,
Бир кунь сени севип къалдым.
Кокте сёнелер йылдызлар,
Я не олды манъа, къызлар?
Бунъа сен чокъ мемнюн олма,
Манъа бакъып, кулип турма,
Омюр — бу амансыз оюн,
Билем, билем, билем бир кунь…
Багълама:
Мен оларым бир атеш,
Сен яналмагъан кунеш.
Бу омюр — залым оюн
Сен къалырсынъ бир озюнъ.
Мен оларым гуль, чечек,
Къысметке нелер керек?
Аман дюнья айлана,
Айт, достум, не олды санъа?
Санъа энди мен инанмам,
Дюльбер сёзлеринъе бакъмам.
Келе, кече эп аятым,
Авелене къанатларым.
Сонъсуз олса да геджелер,
Ярыкъ сачар шенъ инджилер.
Билем, билем мен шубесиз,
Ай, сен яшалмазсынъ менсиз.
Багълама.
Январь 6, 2007 с.
Атеш
© Copyright: Эльмара Мустафа, 2010
Свидетельство о публикации №110042909209
Свидетельство о публикации №110042909209
Рецензии