Бу койни биле эр кес,
Онынъ ады — Айсерез.
Этрафын сарып алгъан,
Къызылчыкъ, юзюм, ювез.
Эвельден анда олгъан,
Къудретли, зенгин орман.
Эр дертке, хасталыкъкъа
Тапылгъан зурур дерман.
Къая къаягъа бакъкъан,
Къаядан сувлар акъкъан,
Айсерезнинъ къызлары
Нидже йигитни якъкъан.
Ташлы юзюмлер оськен,
Чешит мейвалар пишкен.
Дамдан дамгъа гугюмнен
Дюльберлер яваш тюшкен.
Къырымнынъ топрагъы токъ,
Дюльбер койлери де чокъ,
Лякин Айсерез киби
Койчик ич бир ерде ёкъ!
Ноябрь 24, 2007 с.
Айсерез
© Copyright: Эльмара Мустафа, 2010
Свидетельство о публикации №110040800101
Свидетельство о публикации №110040800101
Рецензии