Стихиры, глас 6-й

С сердцем, горечью напоенным,
Вновь ко гробу твоему прибегаю –
Явственно всякое огорчение мое знаешь
Ты прежде прошения моего;
И ныне в горести не остави мя, отче святителю,
Твоея раки мраморный лед горячих слез моих
Едва ли не устрашится.

Лазурью мантии твоея обидой прободеное мое покрый сердце,
Юдоли печальныя мятущуюся душу мою избави,
Отче миротворче,
Твоими моленьми мир душу мою немирную да проницает,
Черныя горести малодушия разум мой да избегнет,
Елеем терпения наполнит светильник мой,
Нощию бо мне изыти в сретение,
Аз же помощи твоея неотлучныя прошу,
Шествуя в путь страшный и претрудный.

Аз сплю, а сердце мое бдит,
Грядущему вертоград души моея уготовляет,
Алыми яблоками гранатовыми срищет и,
Фимиамом благоуханным кротости,
Ароматом драгоценным целомудрия.
Незыблемого не отврати нас твоего заступничества,
Горнего и дерзновенного присного твоего о нас усердия,
Еликим тя Спаситель ущедри,
Лице зря Господа Тайносовершителя,
Его же воля святая на нас да будет.

Молитву мою внуши, отче святителю, со слезами растворенную:
От него же не отними твой покров нерушимый,
Любострадальче, в скорбех его укрепи,
Имя же его миро мне излиянное,
Брата моего, ближнего моего,
О, его же любит душа моя,
Гласа его чает слух мой,
Алкает убо сердце мое и в страхе трепещет:
«Отверзи ми, сестро моя, искренняя моя, голубице моя...»,
Не отступи от него, святый наш предстателю,
Архиерею Божий,
Сотвори узы наши полезны нам молитвами твоими.

27.12.2009 г.