Жыве Беларусь

На белорусском языке               
                Сотні лет
                непрыяцелем-братам прыбітая,
                ты ляжала
                няпамяці пылам пакрытая.
                Я.Купала
                Але яшчэ глушыце кроў,
                гарыць душа і час настане,
                калі з-за поля, з-за бароў,
                па-беларуску сонца гляне.
                А.Дудар 

Кажуць, доля твая, як
ягада - горкая доля - каліна.
Цёмная, о светлая краіна!
Блішчыць саломай каляіна...

Забудеш,
зжывеш крыўды сваі вякавыя,
нягоды, сумненні і страхі,
але ад войнаў, падзелаў,
усіх здзекаў і "зол",
як жальба, як Пагоня
навек застанецца, як боль,
зямля твая - попел-падзол.

О Беларусь, як наша прырода,
характар, як душа народа, ты уся -
цярплівасць, мяккасць і лагоднасць?
Калі як нацыві сваю адчуеш годнасць?
"О дух наш вольны, дзе ты, дзе ты?"
Не целам - мы душой раздзеты...

Кажуць, доля твая, як
ягада - горкая доля - каліна.
Цёмная, о светлая краіна!
Блішчыць саломай каляіна...

У гістарычную памяць
Урывіцкай пагоняй уварвуся -
Жыве Беларусь!