СПАЗНАНЫ ЦУД
Растане роспач, як асеннi снег...
Асеннi снег майго расчаравання.
Сярод грахоў ёсць самы цяжкi грэх:
Жыць на зямлi без ласкi i кахання.
Хай абмiне мяне такi прысуд.
Загоiць час вярэдлiвыя раны.
Я ўдзячны Богу за спазнаны цуд —
Кахаць цябе i быць тваiм каханым.
Кароткi век падманлiвых надзей
Асвечаны нятленным запаветам:
Адно каханне робiць з нас людзей.
Адно каханне правiць гэтым светам.
Што наракаць i скардзiцца на лёс?
Не звыкнецца душа з няўцешным болем.
Адно каханне варта нашых слёз.
Адно каханне, i нiчога болей!
Cпазнаны цуд
© Copyright: Леонид Пранчак, 2009
Свидетельство о публикации №109072301347
Свидетельство о публикации №109072301347
Рецензии