У мяне баліць жывот:
Здрадніцкі пераварот
Ён зрабіў у арганізме,
Абвясціўшы мне байкот.
Я ад гэтае хваробы
Невясёлы, нездаровы.
Тэлевізар не гляджу,
Моўчкі ўлёгся і ляжу.
Мне дае пілюлі маці –
Адмаўляюся прымаць іх.
Мне спрабуюць даць мікстуру –
Перастане, мо, жывот –
Я ж упарта пратэстую,
Закрываю шчыльна рот.
Вельмі доўга я маўчу,
Што цукерачак хачу!
Ваша Вэаша. Жывот
© Copyright: Вероника Мусвидас, 2009
Свидетельство о публикации №109071505325
Свидетельство о публикации №109071505325
Рецензии