ЗАПОЗНЕНАЕ КАХАННЕ
Пасля дарог, гастроляў i канцэртаў,
Пасля бясконцых сцюжаў i разлук
Знайдзi мяне, стамлёнага дашчэнту,
I адагрэй цяплом маленькiх рук...
Не асуджай бязлiтасна i строга,
Забудзь маю гарачлiвасць i злосць.
Знайдзi мяне, пакутнiка былога.
Прымi мяне такiм, якi я ёсць...
Прыйду к табе з апошнiм спадзяваннем
Па белых кветках цi старым лiсцi...
Сагрэй мяне запозненым каханнем
I анiкуды больш не адпусцi!
Запозненае каханне
© Copyright: Леонид Пранчак, 2009
Свидетельство о публикации №109052101147
Свидетельство о публикации №109052101147
Рецензии