Вайна тоьхна доза ду
ХIоккхузахь.
ЙишмаIех а озалур
Вай кхузахь.
Цара доцчу вайн къинойн
Хадам беш,
Буьйса хир ю вайн синойн
Ладам беш.
Цхьа а аьхна вуьжур вац
Тховса дIа,
Герзо цхьа а вуьтур вац
Тхьовса дIа.
Некъайисттехь йогур ю
Шийла цIерш,
Кхана кхин а богIур бу
Бевдда берш.
Эладита дозалур
Вайх кхузахь,
Осала а тосалур
Вай кхузахь.
МостагIчунна хьасталуш,
Хетар ду,
Амма доза дасталуш,
Кхетар ду:
Вайна маралилхинарг -
Хийра дохк,
Вайна тIаьхьабилхинарг -
Нана-мохк.
Вайна тоьхна доза ду...
© Copyright: Адам Ахматукаев, 2009
Свидетельство о публикации №109050602372
Свидетельство о публикации №109050602372
Рецензии