И доьхка хаьддачу тоьпах
Iуьллур ву дIо керта кIел,
Шена ахь деллачу жоьпах
Ца кхеташ, воьрзур ву тIе.
ГIелделла, дазделла, доьхна
ДегI хьалаойбур ду шен,
Хьуна тIе автомат йоьгIна,
Бахьана лоьхур ду вен.
Мусталла теIачу бIаьрго
Мах а хьан хадор бу байн,
Дуьйлинчу лаг тIера мIаьрго
Юстур ахь дахарца хьайн.
Цуьнга дIакхойкхур ю раци:
“ДIахезий хьуна, “Герой”?
Чекхъели вайн операци. -
ТIадаман метта, - Отбой!”
Кхин цкъа а Iожаллах ваьлла,
Далла ахь хастамаш бер...
Дехьарчу урамехь даьлла
Мохь-орца тезете даьр.
Зачистка
© Copyright: Адам Ахматукаев, 2009
Свидетельство о публикации №109050602351
Свидетельство о публикации №109050602351
Рецензии